ບົດໄຫວ້ພຣະສູດມົນ

ໄຫວ້ພຣະສູດມົນເຊົ້າ

ຄຳໄຫວ້ພຣະຣັຕຕະນະໄຕຣ

ໂຍ ໂສ ພະຄະວາ ອະຣະຫັງ ສັມມາສັມພຸທໂທ ສວາກຂາໂຕ ເຍນະ ພະຄະວະຕາ ທັມໂມ ສຸປະຕິປັນໂນ ຍັສສະ ພະຄະວະໂຕ ສາວະກະສັງໂຄ ຕັມມະຍັງ ພະຄະວັນຕັງ ສະທັມມັງ ສະສັງຄັງ ອິເມຫິ ສັກກາເຣຫິ ຍະຖາຣະຫັງ ອາໂຣປີເຕຫິ ອະພິປູຊະຍາມະ ສາທຸ ໂນ ພັນເຕ ພະຄະວາ ສຸຈິຣະປະຣິນິພພຸໂຕປີ ປັຈສິມາຊະນະຕານຸກັມປະມານະສາ ອິເມ ສັກກາເຣ ທຸຄຄະຕະປັນນາກາຣະພູເຕ ປະຕິຄຄັນຫາຕຸ ອັມຫາກັງ ທີຄະຣັຕຕັງ ຫິຕາຍະ ສຸຂາຍະ ຯ

ຄຳໄຫວ້ພຣະຣັຕຕະນະໄຕຣ

ອະຣະຫັງ ສັມມາສັມພຸທໂທ ພະຄະວາ

ພຸທທັງ ພະຄະວັນຕັງ  ອະພິວາເທມິ (ຂາບລົງ).

ສວາກຂາໂຕ ພະຄະວະຕາ ທັມໂມ

ທັມມັງ ນະມັສສາມິ (ຂາບລົງ).

ສຸປະຕິປັນໂນ ພະຄະວະໂຕ ສາວະກະສັງໂຄ

ສັງຄັງ ນະມາມິ (ຂາບລົງ).

ປຸພພະພາຄະນະມະກາຣະ

ນະ ໂມ ຕັສສະ ພະຄະວະໂຕ

ອະຣະຫະໂຕ ສັມມາ ສັມພຸທທັສສາ

ນະ ໂມ ຕັສສະ ພະຄະວະໂຕ

ອະຣະຫະໂຕ ສັມມາ ສັມພຸທທັສສາ

ນະ ໂມ ຕັສສະ ພະຄະວະໂຕ

ອະຣະຫະໂຕ ສັມມາ ສັມພຸທທັສສາ

ພຸທທາພິຖຸຕິ

ໂຍ ໂສ ຕະຖາຄະໂຕ ອະຣະຫັງ    ສັມມາສັມພຸທໂທ  ວິຊຊາຈະຣະນະ ສັມປັນໂນ ສຸຄະໂຕ ໂລກະວິທູ ອະນຸຕຕະໂຣ ປຸຣິສະທັມມະ ສາຣະຖິ  ສັຕຖາ ເທວະມະນຸສສານັງ ພຸທໂທ   ພະຄະວາ ຯ

ໂຍ ອິມັງ ໂລກັງ ສະເທວະກັງ ສະມາຣະກັງ ສະພຣັມມະ ກັງ ສັສສະມະນະ ພຣາມມະນິງ ປະຊັງ ສະເທວະມະນຸສສັງ ສະຍັງ ອະພິນຍາ ສັຈສິກັຕວາ ປະເວເທສິ ຯ

ໂຍ ທັມມັງ ເທເສສິ  ອາທິກັລຍານັງ ມັຊເຊກັລຍານັງ ປະຣິໂຍສານະກັລຍານັງ ສາຕຖັງ ສະພະຍັນຊະນັງ ເກວະລະ
ປະຣິປຸນນັງ ປະຣິສຸທທັງ ພຣັມມະຈະຣິຍັງ ປະກາເສສິ ຕະມະຫັງ ພະຄະວັນຕັງ ອະພິປູຊະຍາມິ ຕະມະຫັງ ພະຄະວັນຕັງ ສິຣະສາ ນະມາມິ ຯ

ທັມມາພິຖຸຕິງ

ໂຍ ໂສ ສວາກຂາໂຕ ພະຄະວະຕາ ທັມໂມ ສັນທິຕຖິໂກ  ອະກາລິໂກ  ເອຫິປັສສິໂກ ໂອປະນະຍິໂກ  ປັຈຈັຕຕັງ ເວທິຕັພໂພ ວິນຍູຫິ ຕະມະຫັງ ທັມມັງ ອະພິປູຊະຍາ ມິ ຕະມະຫັງ ທັມມັງ ສິຣະສາ ນະມາມິ ຯ

ສັງຄາພິຖຸຕິ

ໂຍ ໂສ ສຸປະຕິປັນໂນ ພະຄະວະໂຕ ສາວະກະສັງໂຄ ອຸຊຸປະຕິປັນໂນ ພະຄະວະໂຕ ສາວະກະສັງໂຄ ຍາຍະຕິປັນໂນ ພະຄະວະໂຕ ສາວະກະສັງໂຄ ສາມີຈິປະຕິປັນໂນ ພະຄະວະໂຕ ສາວະກະສັງໂຄ ຍະທິທັງ ຈັຕຕາຣິ ປຸຣິສະຍຸຄານິ ອັຕຖະ ປຸຣິສະປຸຄຄະລາ ເອສະ ພະຄະວະໂຕ ສາວະກະສັງໂຄ ອາຫຸເນຍໂຍ ປາຫຸເນຍໂຍ  ທັກຂິເນຍໂຍ  ອັນຊະລີກະຣະນີໂຍ ອະນຸຕຕະຣັງ ປຸນຍັກເຂຕຕັງ ໂລກັສສະ ຕະມະຫັງ ສັງຄັງ ອະພິປູຊະຍາມິ ຕະມະຫັງ ສັງຄັງ ສິຣະສາ ນະມາມິ  ຯ

ຣະຕະນັຕຕະຍັປປະນາມະຄາຖາ

ພຸທໂທສຸ ສຸທໂທ ກະຣຸນາ ມະຫັນນະໂວ ໂຍຈຈັນຕະສຸທທັພພະຣະຍານະໂລຈະໂນ ໂລກັສສະ ປາປູປະກິເລສະຄາຕະໂກ ວັນທາມິ ພຸທທັງ ອະຫະມາທະເຣນະ ຕັງ ທັມໂມ ປະທີໂປ ວິຍະ ຕັສສະ ສັຕຖຸໂນ ໂຍ ມັຄຄະປາກາມະຕະເພທະພິນນະໂກ ໂລກຸຕຕະໂຣ ໂຍ ຈະ ຕະທັຕຖະທີປະໂນ ວັນທາມິ ທັມມັງ ອະຫະມາທະເຣນະ ຕັງ ສັງໂຄ ສຸເຂຕຕາພະຍະເຂຕຕະສັນຍິໂຕ ໂຍ ທິຕຖະສັນໂຕ ສຸຄະຕານຸໂພທະໂກ ໂລ ລັປປະຫີໂນ ວະຣິໂຍ ສຸເມທະໂສ ວັນທາມິ ສັງຄັງ ອະຫະມາທະເຣນະ ຕັງ ຯ

ອິຈເຈວະເມກັນຕະພິປູຊະເນຍຍະກັງ ວັຕຖຸຕຕະຍັງ ວັນທະຍະຕາພິສັງຂະຕັງ ປຸນຍັງ ມະຍາ ຍັງ ມະມະ ສັພພຸປັທ ທະວາ ມາ ໂຫນຕຸ ເວ ຕັສສະ ປະພາວະສິທທິຍາ ຯ

ສັງເວຄະປະຣິກິຕຕະນະປາຖະ

ອິທະ ຕະຖາຄະໂຕ ໂລເກ ອຸປປັນໂນ ອະຣະຫັງ ສັມມາສັມພຸທໂທ ທັມໂມ ຈະ ເທສິໂຕ ນິຍຍານິໂກ ອຸປະສະມິໂກ ປະຣິນິພພານິໂກ ສັມໂພທະຄາມີ ສຸຄະຕັປປະເວທິໂຕ ມະຍັນຕັງ ທັມມັງ ສຸຕວາ ເອວັງ ຊານາມະ ຊາຕິປີ ທຸກຂາ ຊະຣາປີ ທຸກຊາ    ມະຣະນັມປີ ທຸກຂັງ   ໂສກະປະຣິເທວະທຸກຂະ ໂທມະນັສສຸປາຍາສາປີ ທຸກຂາ ອັປປີເຍຫິ ສັມປະໂຍໂຄ ທຸກໂຂ ປີເຍຫິ ວິປປະໂຍໂຄ ທຸກໂຂ   ຍັມປີຈສັງ ນະ ລະພະຕິ ຕັມປີ ທຸກຂັງ ສັງຂິຕເຕນະ ປັນຈຸປາທານັກຂັນທາ ທຸກຂາ   ເສຍຍະຖີທັງ    ຣູປູປາທານັກຂັນໂທ ເວທະນູປາທານັກຂັນໂທ  ສັນຍູປາທານັກ ຂັນໂທ  ສັງຂາຣູປາທານັກຂັນໂທ  ວິນຍານູປາທານັກຂັນໂທ  ເຍສັງ ປະຣິນຍາຍະ   ທະຣະ ມາໂນ ໂສ ພະຄະວາ  ເອວັງ ພະຫຸລັງ ສາວະເກ ວິເນຕິ   ເອວັງ ພາຄາ ຈະ ປະນັສສະ ພະຄະວະໂຕ ສາວະເກສຸ ອະນຸສາສະນີ ພະຫຸລາ ປະວັຕຕະຕິ ຣູປັງ ອະນິຈຈັງ  ເວທະນາ ອະນິຈຈາ   ສັນຍາ ອະນິຈຈາ   ສັງຂາຣາ ອະນິຈຈາ   ວິນຍານັງ ອະນິຈຈັງ    ຣູປັງ ອະນັຕຕາ  ເວທະນາ ອະນັຕຕາ ສັນຍາ ອະນັຕຕາ  ສັງຂາຣາ ອະນັຕຕາ  ວິນຍານັງ ອະນັຕຕາ ສັພເພ ສັງຂາຣາ ອະນິຈຈາ  ສັພເພ ທັມມາ ອະນັຕຕາຕິ ຯ

ເຕມະຍັງ ໂອຕິນນາມະຫະ  ຊາຕິຍາ  ຊະຣາມະຣະເນນະ  ໂສເກຫິ ປະຣິເທເວຫິ ທຸກເຂຫິ ໂທມະນັສເສຫິ ອຸປະຍາເສຫິ ທຸກໂຂ ຕິນນາ  ທຸກຂະປະເຣຕາ ອັປເປວະນາມິມັສສະ ເກວະລັສສະ ທຸກຂັກຂັນທັສສະ ອັນຕະກິຣິຍາ ປັນຍາເຍຖາຕິ ຯ

(ສຳລັບພຣະສົງສາມະເນນເທົ່ານັ້ນ)

ຈິຣະປະຣິນິພພຸຕັມປີ ຕັງ ພະຄະວັນຕັງ ອຸທທິສສະ ວະຣະຫັນຕັງ ສັມມາສັມພຸທທັງ ສັທທາ ອະຄາຣັສມາ ອະນະຄາຣິຍັງ ປັພພະຊິຕາ ຕັສມິງ ພະຄະວະຕິ ພຣັມມະຈະຣິຍັງ ຈະຣາມະພິກຂູນັງ ສິກຂາສາຊີວະສະມາປັນນາ ຕັງໂນ ພຣັມມະຈະຣິຍັງ ອິມັສສະ ເກວະລັສສະ ທຸກຂັກຂັນທັສສະ ອັນຕະກິຣິຍາຍະ ສັງວັຕຕະຕູຕິ ຯ

ໂຄຕະມະກະເຈຕິຍະທັມມະປະຣິຍາຍະ

ອະພິນຍາຍະ ໂຂ ໂສ ພະຄະວາ ທັມມັງ ເທເສຕິ ໂນ ອະນະພິນຍາຍະ ສະນິທານັງ ທັມມັງ ເທເສຕິ ໂນ ອະນິທານັງ ສັປປາຕິຫາຣິຍັງ ທັມມັງເທເສຕິ ໂນ ອັປປາຕິຫາຣິຍັງ ຕັສສະ ໂຂ ປະນະ ພະຄະວະໂຕ ອະພິນຍາຍະ ທັມມັງ ເທສະຍະໂຕ ໂນ ອະນະພິນຍາຍະ ສະນິທານັງ ທັມມັງ ເທສະຍະໂຕ ໂນ ອະນິທານັງ ສັປປາຕິຫາຣິຍັງ ທັມມັງ ເທສະຍະໂຕ ໂນ ອັປປະຕິຫາຣິຍັງ ກະຣະນີໂຍ ໂອວາໂທ ກະຣະນີຍາ ອະນຸສາສະນີ ອະລັນຈະ ປະນະ ໂນ ຕຸຕຖິຍາ ອະລັງ ອັຕຕະມະນະຕາຍະ ອະລັງ ໂສມະນັສສາຍະ ສັມມາສັມພຸທໂທ ພະຄະວາ ສວາກຂາໂຕ ພະຄະວະຕາ ທັມໂມ ສຸປະຕິປັນໂນສັງໂຄຕິ ຯ

ທະວັຕຕິງສາກາຣະປາຖະ  ພິຈາຣະນາອາການ 32

ອະຍັງ ໂຂ ເມ ກາໂຍ   ອຸທທັງ ປາທະຕະລາ ອະໂທ ເກສາມັຕຖະກາ ຕະຈະປະຣິຍັນໂຕ  ປູໂຣນານັປປະກາຣັສສະ ອະສຸຈິໂນ  ອັຕຖິ ອິມັສະມິງ ກາເຍ  ເກສາ  ໂລມາ    ນະຂາ ທັນຕາ   ຕະໂຈ ມັງສັງ ນະຫາຣູ    ອັຕຖິ   ອັຕຖິມິນຊັງ     ວັກກັງ    ຫະທະຍັງ ຍະກະນັງ  ກິໂລມະກັງ ປິຫະກັງ  ປັປຜາສັງ  ອັນຕັງ     ອັນຕະຄຸນັງ     ອຸທະຣິຍັງ    ກະຣີສັງ     ປິຕຕັງ     ເສມຫັງ     ປຸພໂພ    ໂລຫິຕັງ     ເສໂທ    ເມໂທ  ອັສສຸ    ວະສາ ເຂໂລ     ສິງຄານິກາ   ລະສິກາ   ມຸຕຕັງ  ມັຕຖະເກ ມັຕຖະລຸງຄັງ    ເອວະ ອະຍັງ ເມ ກາໂຍ ອຸທທັງ ປາທະຕະລາ ອະໂທ ເກສະ ມັຕຖະກາ ຕະຈະປະຣິຍັນໂຕ ປຸໂຣນານັປປະກາຣັສສະ  ອະສຸຈິໂນ ຯ

ອະຕີຕະປັຈຈະເວກຂະນະປາຖະ

ຂໍ້ວ່າດ້ວຍຈີວອນ

ອັຊຊະ ມະຍາ ອະປັຈຈະເວກຂິຕວາ ຍັງ ຈີວະຣັງ ປະຣິພຸຕຕັງ ຕັງ ຍາວະເທວະ ສີຕັສສະ ປະຕິຄາຕາຍະ  ອຸນຫັສສະ ປະຕິຄາຕາຍະ ທັງສະມະກະສະວາຕາຕະປະສິຣິງ ສະປະສັມຜັສສານັງ ປະຕິຄາຕາຍະ ຍາວະເທວະ ຫິຣິໂກປີນະປະຕິຈສາທະນັຕຖັງ ຯ

ຂໍ້ວ່າດ້ວຍບິນທະບາດ

ອັຊຊະ ມະຍາ ອະປັຈຈະເວກຂິຕວາ ໂຍ ປິນທະປາໂຕ ປະຣິພຸຕໂຕ ໂສ ເນວະ ທະວາຍະ     ນະ ມະທາຍະ       ນະ ມັນທະນາຍະ ນະ ວິພູສະນາຍະ ຍາວະເທວະ ອິມັສສະ ກາຍັສສະ ຖິຕິຍາ  ຍາປະນາຍະ  ວິຫິງສຸປະຣະຕິຍາ   ພຣັມມະຈະຣິຍານຸຄຄະຫາຍະ   ອິຕິ ປຸຣານັນຈະ ເວທະນັງ ປະຕິຫັງຂາມິ ນະວັນຈະ ເວທະນັງ ນະ ອຸປປາເທສສາມິ ຍາຕຣາຈະ ເມ ພະວິສສະຕິ ອະນະວັຊຊະຕາ ຈະ ຜາສຸວິຫາໂຣ ຈາຕິ ຯ

ຂໍ້ວ່າດ້ວຍເສນາສະນະ

ອັຊຊະ ມະຍາ ອະປັຈຈະເວກຂິຕະວາ ຍັງ ເສນາສະນັງ ປະຣິພຸຕຕັງ ຕັງ ຍາວະເທວະ ສີຕັສສະ ປະຕິຄາຕາຍະ  ອຸນຫັສສະ ປະຕິຄາຕາຍະ  ທັງສະມະກະສະວາຕາຕະປະສິຣິງ ສະປະສັມຜັສສານັງ ປະຕິຄາຕາຍະ ຍາວະເທວະ ອຸຕຸປະຣິສສະຍະວິໂນທະນັງ ປະຕິສັລລານາຣາມັຕຖັງ ຯ

ຂໍ້ວ່າດ້ວຍ ຄິລານະເພສັຊຊະ

ອັຊຊະ ມະຍາ ອະປັຈຈະເວກຂິຕະວາ ໂຍ ຄິລານະປັຈ ຈະຍະເພສັຊຊະ ປະຣິກຂາໂຣ ປະຣິພຸຕໂຕ ໂສ ຍາວະເທວະ ອຸປປັນນານັງ ເວຍຍາພາທິການັງ ເວທະນານັງ ປະຕິຄາຕາຍະອັພພະຍາປັຊຊະປະຣະມະຕາຍາຕິ  ຯ

ຕັງຂະນິກະປັຈຈະເວກຂະນະປາຖະ

ຂໍ້ວ່າດ້ວຍຈີວອນ

ປະຕິສັງຂາໂຍ ນິໂສ ຈີວະຣັງ ປະຕິເສວາມິ   ຍາວະເທວະ ສີຕັສສະ ປະຕິຄາຕາຍະ     ອຸນຫັສສະ ປະຕິຄາຕາຍະ     ທັງສະມະ ກະສະວາຕາຕະປະສິຣິງສະປະສັມຜັສສານັງ ປະຕິຄາຕາຍະ   ຍາວະ ເທວະ ຫິຣິໂກປິນະປະຕິສສາທະນັຕຖັງ   ຯ

ຂໍ້ວ່າດ້ວຍບິນທະບາດ

ປະຕິສັງຂາ ໂຍນິໂສ ປິນທະປາຕັງ ປະຕິເສວາມິ   ເນວະ ທະວາຍະ  ນະ ມະທາຍະ  ນະ ມັນທະນາຍະ   ນະວິພູສະນາຍະ ຍາວະ ເທວະ ອິມັສສະ ກາຍັສສະ ຖິຕິຍາ ຍາປະນາຍະ  ວິຫິງ
ສຸປະຣະຕິຍາ ພຣັມມະຈະຣິຍານຸຄະຫາຍະ ອິຕິ ປຸຣານັນຈະ ເວທະນັງ ປະຕິຫັງຂາມິ ນະວັນຈະເວທະນັງ ນະອຸປປາເທສ ສາມິ ຍາຕະຣາຈະ ເມ ພະວິສສະຕິ ອະນະວັຊຊະຕາ ຈະ ຜາສຸວິຫາໂຣຈາຕິ  ຯ

ຂໍ້ວ່າດ້ວຍເສນາສະນະ

ປະຕິສັງຂາ ໂຍນິໂສ ເສນາສະນັງ ປະຕິເສວາມິ     ຍາວະ ເທວະ ສີຕັສສະ ປະຕິຄາຕາຍະ   ອຸນຫັສສະ ປະຕິຄາຕາຍະ ທັງສະມະກະສະວາຕາ ຕະປະສິຣິງ ສະປະສັມຜັສສານັງ ປະຕິຄາຕາຍະ  ຍາວະເທວະ ອຸຕຸປະຣິສະຍະວິໂນທະນັງ ປະຕິສັລລານາຣາມັຕຖັງ  ຯ

ຂໍ້ວ່າດ້ວຍຄິລານະເພສັຊຊະ

ປະຕິສັງຂາ ໂຍນິໂສ ຄິລະນະປັຈຈະຍະເພສັຊຊະ ປະຣິກຂາຣັງ ປະຕິເສວາມິ ຍາວະເທວະ ອຸປປັນນານັງເວຍຍາພາທິການັງ ເວທະນານັງ ປະຕິຄາຕາຍະອັພພະຍາ
ປັຊຊະ ປະຣະມະຕາຍາຕິ ຯ

ທາຕຸປັຈຈະເວກ

ຂະນະປາຖະ

ຂໍ້ວ່າດ້ວຍຈີວອນ

ຍະຖາປັຈຈະຍັງ ປະວັຕຕະມານັງ ທາຕຸມັຕຕະເມເວຕັງ ຍະທິທັງ ຈີວະຣັງ ຕະທຸປະພຸນຊະໂກ ຈະປຸຄຄະໂລ ທາຕຸມັຕຕະໂກ ນິສສັຕໂຕ ນິຊຊີໂວ ສຸນໂຍ ສັພພານິ ປະນະ ອິມານິ ຈີວະຣານິ ອະຊິຄຸຈສະນິຍານິ ອິມັງປູຕິກາຍັງ ປັຕຕະວາອະຕິວິຍະ ຊິຄຸຈສະນີຍານິ ຊາຍັນຕິ ຯ

ຂໍ້ວ່າດ້ວຍບິນທະບາດ

ຍະຖາປັຈຈະຍັງ ປະວັຕຕະມານັງ ທາຕຸມັຕຕະເມເວຕັງ ຍະທິທັງ ປິນດະປາໂຕ ຕະທຸປະພຸນຊະໂກ ຈະປຸຄຄະໂລ ທາຕຸມັຕຕະໂກ ນິສສັຕໂຕ ນິຊຊີໂວ ສຸນໂຍສັພໂພ ປະນາຍັງ ປິນດະປາໂຕ ອະຊິຄຸສະນີໂຍ ອິມັງ ປູຕິກາຍັງ ປັຕຕະວາ ອະຕິວິຍະຊິຄຸຈສະນີໂຍ ຊາຍັນຕິ ຯ

ຂໍ້ວ່າດ້ວຍເສນາສະນະ

ຍະຖາປັຈຈະຍັງ ປະວັຕຕະມານັງ ທາຕຸມັຕຕະເມເວຕັງ ຍະທິທັງ ເສນາສະນັງ ຕະທຸປະພຸນຊະໂກ ຈະ ປຸຄຄະໂລ ທາຕຸມັຕຕະໂກ ນິສສັຕໂຕ ນິຊຊີໂວ ສຸນໂຍ ສັພພານິ ປະນະອິມານິ ເສນາສະນານິ ອະຊິຄຸຈສະນີຍານິ ອິມັງ ປູຕິກາຍັງ ປັຕຕວາ ອະຕິວິຍະ ຊິຄຸຈສະນີຍານິ ຊາຍັນຕິ ຯ

ຂໍ້ວ່າດ້ວຍຄິລານະເພສັຊຊະ

ຍະຖາປັຈຈະຍັງ ປະວັຕຕະມານັງ ທາຕຸມັຕຕະເມເວຕັງ ຍະທິທັງ ຄິລານະປັຈຈະຍະເພສັຊຊະປະຣິກຂາໂຣ ຕະທຸປາພຸນ
ຊະໂກ ຈະປຸຄຄະໂລ ທາຕຸມັຕຕະໂກ ນິສສັຕໂຕ ນິຊຊີໂວ ສຸນໂຍ ສັພໂພປານາຍັງ ຄິລານະປັຈຈະຍະເພສັຊຊະປະຣິກຂາໂຣ ອະຊິຄຸຈສະນີໂຍ ອິມັງປູຕິກາຍັງ ປັຕຕະວາ ອະຕິວິຍະ ຊິຄຸຈສະນີໂຍ ຊາຍະຕິ ຯ

ຢາດນ້ຳເຊົ້າ

ສັພພະປັຕຕິທານະຄາຖາ

ປຸນຍັສສິທານິ ກະຕັສສະ ຍານັນຍານິ ກະຕານິ ເມ ເຕສັນຈະ ພາຄິໂນ ໂຫນຕຸ ສັຕຕານັນຕາປປະມານະກາ ເຍ ປິຍາ ຄຸນະວັນຕາ ຈະ ມັຍຫັງ ມາຕາປິຕາທະໂຍ ທິຕຖາ ເມ ຈາປະຍະທິຕຖາ ວາ ອັນເຍ ມັຊຊັຕຕະເວຣິໂນ ສັຕຕາ ຕິຕຖັນຕິ ໂລກັສສະມິງ ເຕ ພຸມມາ ຈະຕຸໂຍນິກາ ປັຈເຈກະຈະຕຸໂວກາຣາ ສັງສະຣັນຕາ ພະວາພະເວ ຍາຕັງ ເຍ ປັຕຕິທານັມເມ ອະນຸໂມທັນຕຸ ເຕ ສະຍັງ ເຍ ຈິມັງ ນັປປະຊານັນຕິເທວາ ເຕສັງ ນິເວທະຍຸງ ມະຍາ ທິນນານະ ປຸນຍານັງ ອະນຸໂມທະນາເຫຕຸນາ ສັພເພ ສັຕຕາ ສະທາ ໂຫນຕຸ ອະເວຣາ ສຸຂະຊີວິໂນ ເຂມັປປະທັນຈະ ປັປໂປນຕຸ ເຕສາສາ ສິຊນະຕັງ ສຸພາ ຯ